Санкт-Петербургте жолаушылар мінген автобус көпірден өзенге құлап кетті

Санкт-Петербургте ішінде 20-ға жуық жолаушылары бар автобус Мойка өзеніне құлап кетті. Бұл туралы Stan.kz ақпарат агенттігі РИА Новости порталына сілтеме жасап хабарлайды.

Желіде тараған видео кадрларында автобус жүргізушісі көлікті басқара алмай бірнеше көлікке соқтығысқан. Кейін көлік көпірден құлап кеткен. Қазір төтенше жағдайлар қызметкерлері адамдарды құтқарып жатыр.

Қала басшысы Александр Беглов зардап шеккендерге жедел көмек көрсетілетініне сендірді.

Деректерге сай оқиға салдарын жоюға құтқарушылар, жедел жәрдем, қалалық әкімшіліктің және денсаулық сақтау комитетінің қызметкерлері жұмылдырылған.