1962 жылы «Лоуренс Аравийский» фильмі түсірілген Иорданиядағы Вади-Рам шөл даласы ерекше табиғатымен әлемге белгілі. Қып-қызыл құмы бар үлкен шөл дала көптеген режиссер мен продюсердің көзіне түсіп, фильмдерге арқау болған. Енді бұл жерде «Жердегі Марс ғаламшары» ашылмақ, деп хабарлайды Baq.kz ақпарат агенттігі СNN басылымына сілтеме жасап.

Вади-Рам шөлінде ашылған «Жердегі Марс ғаламшары» шатырларын өткен айда SpaceX бас директоры Илон Маск тамашалап, инстаграм желісі арқылы көпшілікке таныстырған болатын. Ридли Скоттың 2015 жылы Оскарға ұсынылған «Марсианин» фильмі осы жерде түсіріліп, 20 футуристік шатыр Сан-Сити лагерінде қалып қойған. Сондықтан Марсқа сапар шеккісі келгендерге алдымен Вади-Рам баруға болады.

Марсиандық шатырлар ғарыштағы кемелерді елестетеді. Оның қабырғасы шыныдан жасалған. Сондықтан шатырға қоныстанып, қоршаған табиғатты тамашалауға болады.

Германияда арнайы тапсырыспен жасалған шатырлар 40 шаршы метрге жалғасқан, оның әрқайсысына 4 адам сияды. Вади-Рамға демалушыларға бұрын-соңды берілмеген мүмкіндіктер – кондиционер мен жекеменшік террасалар осы шатырларға орналастырылған. Вади-Рам табиғатының бір ерекшелігі – түндегі тыныштық пен аспандағы үлкен жұлдыздарды көру үшін әлемнің әр түкпірінен аталған шатырларға жиналушылар көп.

Baq.kz