Грекияда Uber қосымшасының қызметі тоқтайды
Таксиге тапсырысты онлайн жүйесінде қабылдайтын Uber компаниясы Грекиядағы жұмысын толығымен тоқтатты.
Басшылықтың мұндай қадам жасауына ресми Афинның тасымал саласындағы ережені қатаңдатуы себеп. Жаңа заң бойынша таксилер жұмысын бастау үшін белгілі бір тұрақтан шығып, ауысым аяқтағанда, сол тұраққа келуі тиіс. Ал Uber қосымшасымен қызмет көрсететіндер бұл ережеге бағына алмайды. Компания өкілдерінің айуынша, Грекиядағы Uber қосымшасының қызметі алдағы сейсенбіде тоқтайды. Айта кетейік, бұған дейін жергілікті такси жүргізушілері Uber компаниясына қарсы бірнеше рет ереуіл өткізген болатын. Айтуларынша, олар әділ бәсекелестік жүргізбейді. Есесіне жолаушыларға арзан баға ұсынады. Сондықтан жергілікті таксилердің табысы азайған.
