Румынияда птерозаврдың қаңқасы табылды

Германияда «Көк әміршісі» деген атаумен көрме ашылды. Ондағы басты жәдігер – птерозаврдың қаңқасы. Палеонтологтар ұшатын алып кесірткенің сүйегін Граф Дракуланың отаны – Румыниядағы Трансильвания елді мекенінен тапқан. Сондықтан птерозаврды бейресми түрде әйгілі вампирдің есімімен атайды. Ғалымдардың айтуынша, алып жануардың сүйектерінің аса өзгеріске ұшырамай сақталуы – ғылым үшін үлкен олжа. Птерозавр – динозаврлардың ішінде ұша алатын ең ірі хайуан. Қанатының құлашы 12 метрге дейін жетеді. Ал салмағы шамамен 250 келідей. Мэтьяс Времир, палеонтолог: – Алғашында птерозаврдың сүйегін көргенде өз көзіме өзім сенбедім. Оның қаңқасын басқа динозаврлар мен сүтқоректілердікімен салыстырдым. Соның өзінде де бұның птерозавр екеніне сене алмай біраз жүрдім.