Ресейде метеориттің көз қарықтыра құлаған сәті видеоға түсіп қалды
Ресей Федерациясының бірнеше облысының тұрғындары 30-нан 31 қаңтарға қараған түні аспан денесінің құлағанына куә болды. Метеорит Екатеринбург уақытымен 03:13-те (Нұр-Сұлтан уақытымен 04:13-те) құлады, деп хабарлайды РИА Новости. Аспан денесінің құлаған сәтін Свердловск облысы Ирбитский ауданының тұрғыны Илья Янковский видеоға түсіріп алып, кейін әлеуметтік желілерге жариялаған.Видео жазбасынан метеориттің қатты жылдамдықпен елді мекен үстінен ұшып бара жатқаны байқалады. Кейін көз қарықтыра жарқ ете түскен.
