Достарының айтуынша, ол соңғы кездері жүрегі ауырып, астма мен пневмониядан әлсіреп жүргенін айтқан екен. Непалдық ауруханалардың біріне жеткізілгенімен, 16 қаңтар күні көз жұмды, деп жазады Гиннестің рекордтар кітабының сайты.

Айта кетсек, Хагендра Тапа Магар 1992 жылы 14 қазанда туған. «Дүниеге келгенде оның кішкентай болғаны соншалық, алақанға оңай сыйып кететін еді. Бойы мен салмағынан оны шомылдырудың өзі қиынға түсетін», – деп еске алады әкесі.

Магар 18-ге толғанда бойы 67,08 сантиметр болған. Гиннестің рекордтар кітабының өкілдері оны алғаш 2010 жылы италиялық GWR Lo Show dei Record шоуында көрген екен. Басылым онымен соңғы рет 2018 жылдың желтоқсанында кездескен.

Магар қайтыс болғаннан кейін «Әлемдегі ең кішкентай адам» атағы Колумбияда тұратын Эдвард Эрнандеске өтті. Оның бойы – 70,21 сантиметр.