Бүгін аудан әкімі Жандос Еркінбек тұрғындардың жеке мәселелері бойынша қабылдау өткізді. Қабылдау барысында тұрғындар тарапынан тұрақты жұмысқа орналасу, әлеуметтік көмек көрсету, тұрғын үй және табиғи газ желісіне қосылу мәселелері көтерілді.

Аудан басшысы тұрғындар көтерген әрбір мәселені мұқият қарастырып, оларды заң аясында шешу мақсатында тиісті сала басшыларына нақты тапсырмалар берді. Сондай-ақ қабылдау нәтижесінде тұрғындардың өтініштері бойынша жауапты тұлғаларға жұмыстарды үйлестіру жөнінде міндеттер жүктеді.